• 31.01.2025

За знание

новостной портал

ШҚТУ-да «Студенттік көктем 2021» байқау –фестивалі өтуде.

Апр 28, 2021

«Студенттік көктем 2021» байқау –фестивалі биыл пандемияға байланысты онлайн режимде өтіп жатыр. Университет студенттері екі ай бойы сіздерге өз таланттары мен дағдыларын көрсету үшін дамыл таппай дайындалды.

Биыл бұл шара Тәуелсіздіктің 30 жылдығына байланысты «30: Әрекет ет – 30: Время действовать» тақырыбына арналды. ШҚТУ-дың “ГОРМЕТ”, “FTB” және “Formation” атты 3 шығармашылық ұжымы жеңіс үшін күресуде.

26 сәуір күні “Formation” ұжымы өз өнерлерін көрсетті. Олардың концертін университеттің YouTube арнасында тамашалай аласыздар. Ал кеше “ГОРМЕТ” жастары таланттарын көпшілікке паш етті. Студенттер түрлі жанрда ән айтып, қызықты қойылымдар қойып, би билеп, әзілден де құр қалтырмады. Концертті назарларыңызға бүгін кешке ұсынатын боламыз.
29 сәуірде “FTB” шығармашылық ұжымының концертін жариялаймыз.

Қазылар алқасы мүшесі: ЮНЕСКО халықаралық клубының мүшесі, қазылар алқасының төрағасы – Арайлым Құмарханова, ШҚМТУ КТК және Өскемен КТК құрама командасы мүшесі шоу мен – Алибек Досумбаев, әнші, сценарист – Рима Ерниязова, Жайдарман жоғарғы лига ойыншысы, “GOLD” командасының капитаны – Куаныш Мауытказы, “Экстази” шоубалетінің көркемдік жетекшісі – Максим Качесов, Назарбаев Зияткерлік мектебінің “Өркен” музыкалық студиясының жетекшісі – Гаухар Кайрбаева, әлеуметтік тәрбие жұмысы және азаматтық даму басқармасының бас маманы – Гульнара Жанабаева.

Байқауға 19 номинация ұсынылды:

  1. Үздік ұлттық вокал;
  2. Үздік эстрадалық вокал;
  3. Үздік фольклорлық нөмір;
  4. Ең жақсы аспаптық нөмір;
  5. Үздік Халық биі;
  6. Үздік заманауи би;
  7. Үздік эстрадалық би;
  8. Үздік сюжеттік би;
  9. Үздік көркем сөз;
  10. Үздік оригиналды жанр;
  11. Үздік бейнеролик;
  12. Үздік конферансье;
  13. Үздік презентация;
  14. Үздік Жайдарман командасы;
  15. Үздік КВН командасы;
  16. Мисс ” Студеттік көктем 2021»;
  17. Мистер ” Студеттік көктем 2021»;
  18. Мистер «Dance-2021»;
  19. Мисс «Dance-2021»

Байқау-фестивалінің жеңімпаздары 30 сәуірде Студенттік көктемнің гала-концертінде анықталатын болады.