ДИПЛОМ ТАБЫС ЕТУ
Университет төрінде 4 жыл бірге болдыңдар! Курстық жұмыстар, тестілеулер мен қатал ұстаздың қарамағындағы емтихандар да артта қалды. «ШҚТУ дауысына» бірге дайындалып, «Студенттік көктемге» көңілді ойындар сценарийін жаздыңыздар. Жол айрығында тұрған да шығарсыздар. Бірақ студенттік өмірмен өткен жылдар естеріңізде мәңгі қалатыны анық.
Құрметті Д. Серікбаев атындағы ШҚТУ түлектері! Тағылым жолынан өтсеңіздер де, таным жол таусылмақ емес! Қызықтың бәрі әлі алдарыңызда! Ересек өмірге ентіге жеткен, сіздерге, тек сәттілік тілейміз! Қақпасын қаққан әр есік алдарыңызда ашық болсын! Армандарыңызды жүзеге асырып, өмірдің әр сәтінен ләззат алыңыздар!